IV cиныф уҡыусыларым менән “Бишбармаҡ" кулинар студияһында милли аш-һыу әҙерләргә өйрәнеп ҡайттыҡ әле. Эйе, беҙ “@Аулаҡөй” проектында булдыҡ, – ти Өфөләге Фатима Мостафина исемендәге 20-се башҡорт гимназияһының башланғыс синыфтар уҡытыусыһы Айгөл Кәлиева.
– Халҡыбыҙҙың "Килен һөйөү" йолаһын ҡарап, рәхәтләнеп башҡортса йырлап, һамаҡтар әйтешеп, халыҡ уйындары уйнаныҡ. Үҙ ҡулыбыҙ менән ваҡ бәлеш әҙерләп бешерҙек. Аҙаҡ милли ризыҡтарыбыҙ: талҡан, ҡыҙыл эремсек, ҡорот, сәксәк менән һыйланып, тәмле сәй эсеп, хужаларға рәхмәт әйтеп таралыштыҡ. Уҡыусыларыма шул тиклем ныҡ оҡшаны сәйәхәт.
Фото: А. Кәлиева.