Сабый саҡтан уҡ кескәйҙәрҙе китап яратырға өйрәтеү яҡшы һөҙөмтәләргә килтерә: бала тәртипкә, тәрбиәгә, бөхтәлеккә, әҙәпкә өйрәнә, белемгә ынтыла, аҡыллы һәм ҡыҙыҡһыныусан булып үҫә.
“Ҡояшҡай” төркөмө ҡыҙҙары һәм малайҙары балалар баҡсаһында ғына түгел, өйҙәрендә лә атай-әсәйҙәренең, апай-ағайҙарының ҡысҡырып китап уҡығанын йотлоғоп тыңлай. Төркөмөбөҙҙә китап мөйөшөбөҙ ҙә бар. Унда әкиәттәр, шиғырҙар һәм хикәйәләр йыйынтыҡтары тупланған.
Резеда МӨХӘМӘТШИНА,
“Йондоҙло” балалар баҡсаһы тәрбиәсеһе.
Баймаҡ ҡалаһы.