27 апрель иртәнге 11-ҙә юғары уҡыу йорттары, белем биреү ойошмалары, мәҙәни үҙәктәрҙә һәм башҡа ерҙәрҙә диктант яҙа башларға мөмкин буласаҡ. Ғәҙәттәгесә, өс кимәл ҡаралған: башҡорт телен яңы өйрәнә башлағандар, унда иркен аралашҡандар һәм телдең төньяҡ-көнбайыш диалектында һөйләшеүселәр. https://bashdictant.ru сайтында үҙегеҙгә яҡын урынды һайлағыҙ ҙа диктант яҙырға әҙерләнегеҙ, дуҫтар! Әллә Башҡортостан юлдаш телевидениеһынан ҡарап ҡына өйҙә яҙаһығыҙмы?