-9 °С
Болотло
Бөтә яңылыҡтар
Әсәм теле - сәсән теле
21 Февраль 2025, 13:30
Башҡорт теле
Боронғо ла, хәҙерге лә Башҡорт теле,
Башҡорт теле
Донъялағы иң матур тел –
Башҡорт теле!
Башҡорт өндәренә оҡшаш
Ҡөръән өнө.
Башҡорт ере – телкәйемдең
Үҫкән ере,
Башҡа ерҙә үҫә алмай
Телем гөлө.
Башҡорт теле – Дәүләтемдең
Йәшәү гөлө!
Үҙ ерендә күкрәп үҫһен
Башҡорт теле!
Йәшәү гөлө тамырына
Һыу һибәйек,
Башҡорт телен бик ҡәҙерләп
Үҫтерәйек!
Уралдағы Тереһыуҙан
Һуғарылһын,
Башҡорт теле – мәңге шиңмәҫ
Бер гөл булһын!
Фәүзиә ҠОТЛОГИЛДИНА-АЛТЫНБИКӘ.
Фото: Рәмзиә Зарипова коллажы.
Новости партнеров
Гәзитебеҙ - дуҫыбыҙ
Хикәйәләр
Фильмдар
Күңелдәрҙең иләҫ-миләҫ сағы