+21 °С
Облачно
Әсәм теле - сәсән теле
7 Сентября , 09:37
"Мин башҡортса һөйләшәм"
5 сентябрҙә Стәрлетамаҡ ҡалаһының 260 йыллығына арналған байрамда асыҡ һауала "Мин башҡортса һөйләшәм" фестивале лә ойошторолдо.
"Мин башҡортса һөйләшәм"
Уны Салауат Заманов менән Динара Ғәлләмова йәнле итеп алып барҙы. Башҡорт теле, башҡорт музыкаһы, милли мәҙәниәт. Стәрлетамаҡта бындай ҙур сара тәүге тапҡыр уҙҙы һәм халыҡты дәртләндереп ебәрҙе. Һис шикһеҙ, ҡала мөхитендә лә туған телебеҙ матур, иркен яңғырай. Быны концертҡа йыйылған 30 меңләгән тамашасы ла тойғандыр, әлбиттә. "Мин башҡортса һөйләшәм" мәҙәни проектының маҡсаты ла - телебеҙҙең ҡала ерендә лә сағыу, заманса яңғырауын күрһәтеү.
Йәштәр араһында киң танылған "Бүреләр" рок-төркөмө, BABY Ti сығыштары алҡыштарға күмелде. Ә Тимур Ямаловтың хиттарын бик күптәр йырсыға ҡушылып башҡарҙы.
Фото: https://vk.ru/bash_fond.
"Мин башҡортса һөйләшәм"
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
