+28 °С
Облачно
Сәнғәт оҫталары
13 Апреля 2023, 03:02
«Беҙ урамдан үткән саҡта, ҡыҙҙар ҡала уфтанып»
Мостай Кәримдең «Ҡыҙ урлау» комедияһынан «Егеттәр йыры»на Таһир Кәримов мәңгелек көй яҙған.
«Беҙ урамдан үткән саҡта, ҡыҙҙар ҡала уфтанып»
ЕГЕТТӘР ЙЫРЫ
Мостай Кәрим шиғыры.
Таһир Кәримов көйө.
Беҙ үҙебеҙ Дәү Аҡтаныҡ ,
Көн итмәйбеҙ маҡтанып,
Беҙ урамдан үткән саҡта,
Ҡыҙҙар ҡала уфтанып.
Их, илдәре лә илдәре,
Илдәрендә – күлдәре.
Был илдәрҙә ҡыҙҙар йырлай,
Һандуғастай телдәре.
Урам аша сыҡҡан саҡта,
Әллә абындығыҙмы?
Һарыға һабышҡанһығыҙ,
Әллә һағындығыҙмы?
Их, илдәре лә илдәре,
Илдәрендә – күлдәре.
Был илдәрҙә ҡыҙҙар йырлай,
Һандуғастай телдәре.
Килеп китер юлығыҙға
Әллә ауҙымы ҡайын?
Һеҙҙе уйлап йәш түгәбеҙ
Һуған тураған һайын.
Их, илдәре лә илдәре,
Илдәрендә – күлдәре.
Был илдәрҙә ҡыҙҙар йырлай,
Һандуғастай телдәре.
Эдуард ДИЛМӨХӘМӘТОВ фотоһы.
Фото: concours.nazaccent.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
