+12 °С
Ямғыр
Бөтә яңылыҡтар
Шәфҡәт
22 Май 2020, 12:59
Ярҙамға мохтаждар онотолмай
Беҙҙең мәктәптә төрлө ауылдан 182 бала уҡый. Шуларҙың 57-һе ашханала бушлай туҡлана: 35-е – күп балалы, 9-ы – аҙ тәьмин ителгән ғаиләләрҙән, 13-ө – һаулыҡтары буйынса мөмкинлеге сикләнгәндәр. Дистанцион уҡытыу ваҡытында улар ике аҙнаға бер тапҡыр аҙыҡ-түлек йыйылмаһы ала. Мәктәпте продукция менән тәьмин итеүсе Баймырҙиндар ғаиләһе уларҙы килтергәс, ашхана хеҙмәткәрҙәре тоҡсайҙарға тултырып, ата-әсәләргә тарата.
Әлиә һәм Николай Кузнецовтар ғаиләһе 4 бала тәрбиәләй. Ҙурҙары Арсен беренсе синыфта уҡый, Агата һәм Нурлан балалар баҡсаһына йөрөй, ә иң бәләкәстәре Раянға – 10 ай. Ғаилә бик тырыш. Әсәйҙәре тәмлекәстәр бешереп, өй эштәре менән булыша, иптәше Бүребай тау-байыҡтырыу комбинатында слесарь булып эшләй. Тик был йәш ғаилә, документтарҙы юллап бөтмәү сәбәпле, бер ниндәй ҙә социаль ярҙам күрмәй. Шуға ауыл халҡы уларға хәстәрлек күрһәтә: балалар өсөн кейем, уйынсыҡтар, аҙыҡ-түлек йыйып бирәләр. Кузнецовтарҙың хәлен аңлап, Хәйбулла районы мәғариф идаралығы, «Башмедь» яуаплылығы сикләнгән йәмғиәт, эшҡыуар Баймырҙиндар аҙыҡ-түлек йыйылмаһы әҙерләп тапшырҙы.
Әлиә ҠАРАБАЕВА, ата-әсәләр йыйылышы комитетының рәйесе:
– Мин үҙем дә ике аҙыҡ-түлек йыйылмаһы алам. Бының өсөн Хөкүмәткә һәм мәктәпкә рәхмәтлемен. Шундай ауыр ваҡытта ярҙам күрһәтәләр, бер ҙә беҙҙе онотмайҙар, – ти.
Гөлшат ӘМИНЕВА:
– Изгелекле эш башҡаралар. Күп балалы ғаиләләр исеменән үҙемдең рәхмәтемде белдергем килә.
Вилә БАЙСУРИНА:
– Бик шатбыҙ, беҙҙең өсөн был – ҙур ярҙам.
Гөлназ НАЗАРОВА.
Хәйбулла районы, Татырүҙәк ауылы
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж