Сәғилә һәм Марсель Ғайсиндарҙың ғаиләһенә оло бәлә килгән. Яңыраҡ әрме хеҙмәтенән ҡайтҡан өлкән улдары Илсур фажиғәле вафат була. Аңғармаҫтан килтереп ҡайғыға һалған мәлдәрҙән берәү ҙә азат түгел шул.
Юлдашта уларҙың ҡайғыларын аҙ ғына булһа ла еңеләйтеү теләге уяна. Ул ата-әсәһе ярҙамы менән Ғайсиндар ғаиләһенә «Йәншишмә» гәзитен яҙҙырта. Йәш хәбәрсебеҙ Юлдаш Булатовтың был аҙымы – матур тәрбиә өлгөһө! Киләсәктә лә гел шулай булып ҡал, Юлдаш!
Ә Ғайсиндар ғаиләһенә түҙемлек һәм башҡа ҡайғы-хәсрәттәрҙең урап үтеүен теләбеҙ. Нисек кенә ауыр булмаһын, тормош дауам итә.