– Быйылғы Халыҡ-ара балалар китабы көнө ныҡ иҫтәлекле булды. Балаларҙа китапҡа ҡарата һөйөү тәрбиәләү маҡсатынан беҙҙә төрлө саралар ойошторола. Күптән түгел беҙҙең райондағы «Берҙәм Рәсәй» депутаттары «Донбассҡа – китаптар» тигән акция ойошторғайны. Уға мәктәбебеҙҙең башланғыс синыф уҡыусылары ихлас ҡушылды. Бигерәк тә өсөнсөләр, дүртенселәр әүҙемлек күрһәтте. Улар урыҫ телендә яҙылған төрлө йәштәге балалар өсөн тәғәйенләнгән китаптарҙы күп итеп йыйып килтерҙе. Беҙ уларҙы райондың мәғариф бүлегенә тапшырҙыҡ.
Әле йыйылған китаптар «Донбассҡа – китаптар» гуманитар йөк менән Донецк һәм Луганск китапханаларына барып еткәндер әле, тип уйлайбыҙ, – ти ул.
Өсөнсөләр менән дүртенселәргә беҙ ҙә рәхмәтебеҙҙе белдерәбеҙ.
З. ИҪӘНДӘҮЛӘТОВА.