Беҙ улар менән ғорурланабыҙ, яратабыҙ һәм көтәбеҙ!

Беҙҙең шайморатовсылар ҙа был акциянан ситтә ҡалманы. Беҙ етәксебеҙ Илһам Айса улы Нурдәүләтов менән берлектә һаҡлау сеткаһы бәйләп,  илебеҙ именлеген һаҡлаусы хәрбиҙәргә изге теләктәр менән хаттар яҙҙыҡ.

Ә шулай уҡ акцияла ҡатнашырға ҙур теләк белдергән әүҙем атай-әсәйҙәребеҙ ҡыҫҡа ваҡыт эсендә, оҙаҡ һаҡлана торған аҙыҡ-түлек, медицина препараттары, тәм-томдар, сәйҙәр, киптерелгән емештәр, шәхси гигиена әйберҙәре һәм йылы кейемдәр йыйып, ҡумталарға тултырып, тәғәйенләнгән ебәреү урынына алып барып та ҡуйҙыҡ.
Батыр һалдаттарыбыҙға был ебәрелгән посылкалар менән  беҙҙең шайморатовсыларҙың һәм атай-әсәйҙәребеҙҙең йөрәк йылыһы, изге теләктәре барып етер, тип ышанабыҙ.
Беҙ ғәзиз һалдаттарыбыҙҙың еңеү менән имен-һау тиҙерәк өйгә ҡайтыуҙарын теләйбеҙ.

 Беҙ улар менән ғорурланабыҙ, яратабыҙ һәм көтәбеҙ!

Шайморатовсылар синыфы.

Баймаҡтағы интернат-лицей.

Фото: Фәнүзә Байғотлина.