-26 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Шәжәрә байрамдары
18 Декабрь 2017, 15:35

Шәжәрә – киләсәккә тәҙрә

Исмаил мәктәбендә йыл һайын Шәжәрә байрамын үткәреү матур йолаға әүерелде.

Исмаил мәктәбендә йыл һайын Шәжәрә байрамын үткәреү матур йолаға әүерелде. Быйыл I «А» синыфы уҡыусылары өсөн дә айырым уҙғ­ар­ҙыҡ. Байрамға әҙерлек алдан уҡ башланды, балалар атай-әсәйҙәре менән бергәләп ете быуынын өйрәнеп, шәжәрәһен төҙөнө. Уны ниндәй генә итеп яһамағандар: алмағас, имән ағас­тары, сәскә рәүешендә лә.

Һәр бер ғаиләлә ҡәҙерләп һаҡлан­ған, нәҫелдән-нәҫелгә күсеп килеүсе боронғо әйберҙәре булыуын да күрҙек. Улар араһында самауыр, ваза, сигелгән таҫтамалдар, һуғыш йылдарынан фотолар ҙа бар ине. Ҡыҙҙар, малайҙар ҡәҙерлеләрен йыр, бейеүҙәр, тамашалар ҡуйып та һөйөндөр­ҙө.

Байрам шәп үтте. Балалар ҙа, атай-әсәйҙәр ҙә үҙ тамырҙары хаҡында күпте белеп ҡалды.

Ләйсән ШИШОВА.
Дүртөйлө районы.

Читайте нас в