Бөтә яңылыҡтар
Шиғырҙар
9 Октябрь 2020, 12:40

Башҡорт булыу өсөн күп кәрәкмәй

Риф ТОЙҒОН

Ҡараһаҡал, Кинйә, Салауаттар...

Халҡы данын батыр ишәйтә.

Башҡорт булыу өсөн күп кәрәкмәй,

Тоғро булһаң антҡа – шул етә.

 

Бер яуҙан да ситтә ҡалғаны юҡ,

Хаҡ оранды һәр саҡ ишетә.
Башҡорт булыу өсөн күп кәрәкмәй,
Һатмаһаң һин намыҫ – шул етә.
«Беҙ кем?» – тигән һорау тормай, беләм,
Уралыма һөйөү йәшәтә.
Башҡорт булыу өсөн күп кәрәкмәй,
Халҡың өсөн янһаң – шул етә,
Халҡың өсөн янһаң – шул етә!
Читайте нас в