+30 °С
Болотло
Шиғырҙар
13 Февраль 2022, 07:40
Йәншишмә
Әлфинур ВАХИТОВА
Урал күкрәгенән урғып сығып,
Урмандарҙы киҫеп үткәнһең.
Кешеләргә күпме шатлыҡ, сафлыҡ,
Көс һәм ҡөҙрәт бүләк иткәнһең.
«Йәншишмә»м, һин – минең «Йәншишмә»м,
Һинән башҡаларға сер сисмәм.
Һинең менән йәнәш атлағанда,
Башҡа шишмәләрҙән һыу эсмәм.
Яҡын дуҫ та, кәңәшсе лә беҙгә –
Нур һибеүсе изге бер йылға,
Үҙ артыңдан кескәйҙәрҙе әйҙәп,
Сығараһың яҡты, ҙур юлға.
Йырлай-йырлай шулай мәңге йәшә,
Ел-дауылдар һине ҡаҡмаһын,
Юлдарыңда тау-таш осрамаһын,
Упҡындарҙан Хоҙай һаҡлаһын.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
