+16 °С
Облачно
Шиғырҙар
4 Марта 2022, 08:05
Яралы ҡар
Тетелеп тарала төтөн –
Күк кәзәнең дебете.
Төрөпкә-мөрйә төтәтә
Тәмәкесе егетме?
Әскелтем ошо таныш еҫ
Һағындырып тарталыр.
Күбек ҡарҙа ҡара ҡором
Ҡусҡылланып яталыр.
Шаҙраланыр ҡарҙың өҫтө –
Шекәрәһе кетерҙәк.
Иртә таңдан бала-саға
Ҡар күтәртеп китерҙәр.
Бысҡы онтағының еҫе
Аҫылынған һауаға.
Ҡояш – тупты сойорғотҡас,
Киткән булды ауалап.
Яҙҙың илерткес еҫтәрен
Март килтергән, ҡарале.
Ҡарҙың ғына эсе тишек –
Уңалмаҫтай яралы...
Айһылыу ҒАРИФУЛЛИНА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
