+28 °С
Болотло
Шиғырҙар
9 Март 2022, 11:40
Туған халҡым
Ҡөрьәндән дә боронғо ул,
Боронғо ул диндән дә.
Ихтилалдарҙа имгәнгән,
Йыры менән имләнгән...
Әлмисаҡтан ғорур булған,
Тәкәббер түгел хәҙер.
Яҡшы-насар яғы ла бар –
Барын бирергә әҙер...
Теле Ҡөрьән теле кеүек,
"Һ"ылары – үҙе мисәт.
Ҡобайырҙарын йырла ла,
Эпостар илен иҫлә!
Рухы – Урал һырттарындай,
Ҡәлебе – аҡ даръялай.
Аҫыл булғас, ҡорт-бөжәге
Кимерергә самалай.
Борон-борон замандарҙан
Ҡурайлы-шәжәрәле –
Был бит минең башҡорт халҡым
Аҫаба дәрәжәле.
Был бит минең туған халҡым –
Хоҙайҙан насип өммәт.
Йырым менән башҡортлоҡто
Китермен уға түләп!
Айһылыу ҒАРИФУЛЛИНА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
