+28 °С
Облачно
Шиғырҙар
3 Апреля 2022, 07:40
Яҙ йәме
Сафуан ӘЛИБАЙ
Тамсы уятҡас, тәүге гөрләүектәр
Сылтырашып юлға сыҡтылар;
Киләсәген уйлап, ала ҡарға
Тубырсығын ҡоя шыршылар.
Бөтөрөлөп йөрөй, ҡаурый ҡабып,
Сәпсектәр ҙә ҡыйыҡ-түбәлә;
Ҡанаттарын яҙа, көнгә бағып,
Боҙға ҡуша туңған күбәләк.
Йылғала һыу боҙ-ҡабығын сиртә,
Морон төртөп сығыр бәпкәләй;
Егет һәм ҡыҙ һуңғы ҡар өҫтөнә
Исемдәрен һыҙа иркәләп.
Оҙон-оҙон ҡышҡы кистәрҙән һуң
Бик көттөрөп кенә ҡайта яҙ.
Бейер сағын һағынып көтөп йөрөй
Һыу буйында яңғыҙ ата ҡаҙ.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
