+16 °С
Дождь
Шиғырҙар
24 Апреля 2022, 07:25
Ҡурай
Сал быуаттар аша моң ағыла,
Тетрәндереп Урал буйҙарын.
Бормаланған оҙон юлдар кеүек,
Алыҫтарға китә уйҙарым.
Был бит ҡурай! Ябай ҡырлы ҡурай!
Башҡортомдоң күңел моңдашы,
Тормош һуҡмаҡтарын артылғанда,
Көс-дәрт бирер тоғро юлдашы.
Ҡайҙа ғына кемдәр тыңлаһа ла,
Уны аңлай, уны үҙ итә.
Ҡурай моңо тылсым-көскә эйә -
Таш йөрәктәрҙе лә иретә.
Күпме тапҡыр дуҫлыҡ илсеһеләй,
Донъя урап ҡайтты ҡурайым.
Шуға ла мин бөгөн рәхмәт әйтеп,
Ҡурайымды ҙурлап йырлайым.
Юлиә Әхмәтйәнова.
Фото: https://www.culture.ru/
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
