+28 °С
Болотло
Шиғырҙар
17 Май 2022, 05:45
Мин бит әле башҡорт ҡыҙы
Зөлфиә ХАННАНОВА
Үтәйемсе, атта елеп,
Тау-урманды, ялан-ҡырҙы,
Саялығым нәҫелемдән
Мин бит әле башҡорт ҡыҙы.
Һығылып торған өҫтәлемдә
Ҡымыҙ ҙа бар, икмәк-тоҙо,
Тәбиғәттән ҡунаҡсылмын –
Мин бит әле башҡорт ҡыҙы.
Йырлайымсы, күкрәк киреп,
Оҙон көйгә моңло йырҙы,
Күңелемдә меңйәшәр моң –
Мин бит әле башҡорт ҡыҙы.
Ата-бабам усағының
Йөрәгемдә дөрләй ҡуҙы,
Төйәккенәм – Башҡортостан,
Ә мин үҙем башҡорт ҡыҙы!
Фото: nazaccent.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
