+7 °С
Облачно
Шиғырҙар
21 Мая 2022, 07:20
Ҡоштар концерты
Шулай бер көн ҡолаҡ һалдым
Ҡоштарҙың һайрауына.
Ел, концерт була, тигәндәй
Иҫеп уҙҙы тын ғына.
Өҙҙөрөп һайрап ебәрҙе
Талға ҡунған һандуғас.
Түҙмәнем, мин дә ҡушылдым
Күңелем моңға тулғас.
Күгәрсендәр гөр-гөр килеп,
Иңләне зәңгәр күкте.
Сыйырсыҡ та ҡалышмайса
Донъяға моңон түкте.
Кескәй турғайҙар ҙа хатта
Дәртле йырҙарын һуҙҙы.
Ҡарлуғас та ҡушылғайны
Оло бер концерт булды.
Был ҡоштарҙан көнләшепме
Шырҡ-шырҡ килде һайыҫҡан.
Зарлы кәкүк тауышы ла
Ишетелде алыҫтан.
Юлиә КИРӘЕВА.
Фото: goodfon.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
