+23 °С
Ясно
Шиғырҙар
2 Июня 2022, 10:15
Йәй килде!
Күңелле урамдарҙа,
Юҡ хәҙер бурандар ҙа.
Күктә йылмая ҡояш,
Япраҡлана бар ағас.
Күләүеккә сумалар
Сыр-сыу килеп турғайҙар,
Йәй килә, тип шатланып
Улар шулай уйнайҙар.
Зәңгәр күктә ҡояшҡай
Һипкелдәрен тарата,
Шат, көләс балаларҙы
Ҡояш бигерәк ярата.
Йәй, йәй, йәй килә
Ҡояш күңелле көлә!
Әлфиә ЗИННУРОВА.
Фото: vk.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
