+24 °С
Облачно
Шиғырҙар
20 Июня 2022, 07:55
Гүзәллек
Йәйһылыуҡай атлай ерем буйлап,
Ҡулдарында сәскә бәйләме.
Наҙлап, һөйөп үпкәс, ҡайыным да
Ебәк йәшел шәлен бәйләне.
Ҡошсоҡтарҙың моңло тауыштары
Тынғаны юҡ көнөн, төнөн дә.
Йәйге ямғырҙан һуң төҫлө күпер -
Сағыу йәйғор балҡый күгемдә.
Ҡояш нурҙарында ысыҡ-тамсы
Ынйы мәрйен булып емелдәй.
Сылтыр-сылтыр килә көмөш шишмә,
Гүйә, үләндәргә сер һөйләй.
Был тәбиғәт үҙе бер мөғжизә,
Шундуҡ йәшеллеккә төрөндө.
Йәйһылыуҡай ғорур атлап йөрөй,
Гүзәллеккә күмеп илемде.
Ю. ӘХМӘТЙӘНОВА.
Фото: uploads/post
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
