+10 °С
Облачно
Шиғырҙар
3 Июля 2022, 04:15
Һаумы, көн!
Гүзәл СИТДИҠОВА
Иртә торғас, сәләм бирәм:
Һаумы, көн! Һаумы, көн!
- Һаумы, ҡояш, һаумы, көн,
Һаумы, атай, әсәй бәғерем,
Таңғаса һағынып бөттөм.
Һаумыһығыҙ, һеңлеләрем,
Һаумыһығыҙ, энеләр! -
Улар ҙа мине юҡһынған:
- Һаумы, ағай, - тинеләр.
Имен килгән һәр иртәгә
Күмәкләп һөйөнәбеҙ,
Бөхтәләп элгән кейемде
Һөйөнөп кейенәбеҙ.
Бөтөнөбөҙ - бер ғаилә,
Бөтөнөбөҙ - бер бөтөн,
Беҙгә бәхет-шатлыҡ килтер,
Һаумы, ҡояш, һаумы, көн!
Фото: dachnikov
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
