+28 °С
Болотло
Шиғырҙар
5 Июль 2022, 04:40
Ҡурай моңо
Күкрәк киреп тауҙың итәгендә
Ҡурай тарта башҡорт егете.
Аҡ ҡайындар тәрән уйға сумып,
Онотолоп тыңлай егетте.
Ҡурай көйләй, гүйә, тарих һөйләй,
Хәтерләтеп үткән көндәрҙе;
Яҡташтарҙың яҡты һағыштарын,
Алыҫ ҡалған айлы төндәрҙе…
Онотолмаҫ халҡым үткәндәре,
- Йәшәйештең ҡәҙере шундалыр.
Халыҡ йөрәгенән моң алғанға
Ҡурайҡайы тынмай шуғалыр.
Рәйлә ХИСМӘТУЛЛИНА.
Фото: kulturarb.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
