+28 °С
Болотло
Шиғырҙар
10 Июль 2022, 06:25
Бик бәхетле булһын балалар!
Әсәй һөйһөн бәпләп, атай һөйһөн,
Тик йылмайып уға бағайыҡ.
Ғүмерҙәрҙең иң саф мәле бит ул,
Иң бәхетле осор – балалыҡ.
Үҫһен бала, улым, ҡыҙым үҫһен,
Ғаилә бәхете – сабый тауышы.
Иң моңло йыр бишек йыры булыр,
Бәпес тауышы ҡыуа һағышты.
Тик бала саҡ – мәңгелек тә түгел,
Һағынып та ҡайтып булмай шул.
Бөгөн – сабый, иртәгә һин − өлкән,
Ваҡыт аға, елеп туймай ул.
Ғәмһеҙ саҡтар, уйнап туймаҫ саҡтар
Онотолмаҫ булып ҡалалар.
Әсәй һөйөп баҡһын, атай һөйһөн −
Бик бәхетле булһын балалар.
А. ИШЕМҒОЛОВА.
Фотола: "Йәншишмә" гәзитенең элекке йәш хәбәрсеһе Айгөл Юнысова-Йосопова улы Арыҫлан менән.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
