+31 °С
Облачно
Шиғырҙар
11 Июля 2022, 06:00
Июль айы
Гөлнур ЯҠУПОВА
Июль айы
Йәйге селлә тигәндәре
Июль айында була.
Аҡландар мәтрүшкә еҫе,
Бал еҫе менән тула.
Баҡсала үҫкән көнбағыш
Ҡояшҡа оҡшап тора,
Һары керпектәрен асып,
Яҡтыға башын бора.
Ҡырмыҫҡалар ҡанатланып
Осоп йөрөй бер көндө.
Ямғырҙы көтөп, бәшмәктәр
Зонтиктарын бөркәнде.
Сәскәләрҙән күҙ ҡамаша,
Ҡыҙҙар йыя гөлләмә.
Июль айы гүзәллекте
Бүләк итә йәлләмәй.
Фото: vk.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
