

Ҡолонсаҡтай, эй, сабамын
Йәшел үлән өҫтөнән.
Күҙ ҡамаша аллы-гөллө
Сәскәләрҙең төҫөнән.
Ҡанатланғандай талпынам,
Яратам иркенлекте!
Һоҡланып туймаҫ сәхрәлә
Йүгереп хәлем бөттө.
Шунан бер аҙ туҡтап торам,
Ял итәйем әҙерәк.
Белмәй әйтмәгәндер халыҡ:
"Батырға ла ял кәрәк".
Унан тағы уйнай-көлә
Сабамын ҡолонсаҡтай.
Ҡурҡмағыҙ, аҙашмам, мине
Ҡояшҡай үҙе һаҡлай.
Зарина БАҒЫШАЕВА.
Фото: foto.my