+10 °С
Облачно
Шиғырҙар
16 Августа 2022, 11:45
Дуҫтарым
Сафуан ӘЛИБАЙ
Минең шундай дуҫтарым бар,
Дуҫтарым төрлө-төрлө,
Һәр береһе – ҙур яңылыҡ,
Һәр береһе – мең серле.
Мин ҡайҙа ғына барһам да,
Улар ҡаршыма сығыр,
Береһе әкиәт һөйләр,
Береһе һөйләр шиғыр.
Уларҙың бар эш-һөнәргә,
Уйнарға өйрәткәне.
Киләсәкҡә илтер улар,
Һөйләп бирә үткәнде.
Улар менән көтмәгәндә
Әйләнәм мин юлсыға:
Бүлмәлә ултырған көйө,
Донъяны урап сығам!
Береһе – һандар һарайы,
Сисәм сер - хисаптары...
Мине һис яңғыҙ ҡалдырмаҫ
Дуҫтарым – китаптарым.
Фото: Рита Лотфиева альбомынан.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
