+28 °С
Болотло
Шиғырҙар
27 Август 2022, 15:50
Был көнөм дә үтте. Ҡабатланмаҫ...
Был көнөм дә үтте. Ҡабатланмаҫ,
Саҡырһам да ҡайтмаҫ кирегә.
Ғүмер бит ул һуҡмаҡ-юлдар кеүек,
Алға йүгерә лә йүгерә.
Үткәндәрҙә ҡалды бөгөнгө көн,
Ғүмер-муйынсала бер мәрйен.
Имен үтте, шөкөр, ғәмәлдәре
Булғандыр ҙа әле тәғәйен.
Үтте көнөм. Үкенмәйем һис тә,
Иртән атыр таңды көтәмен.
Мин яратам ғүмерҙәрҙең шулай
Матур ағыш менән үткәнен,
Бәлә-ҡазаларһыҙ үткәнен.
Гөлнур ҠЫУАТОВА.
Фото: goodfon.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
