+29 °С
Ясно
Шиғырҙар
1 Сентября 2022, 04:05
Ҡыңғыраулы иртә!
Барый НОҒОМАНОВ
Бына тағы юл-һуҡмаҡтар
Мәктәпкә ҡарай илтә:
- Һаумы, сентябрь иртәһе –
Ҡыңғыраулы саф иртә!
Был иртәлә бар йәнлелек,
Йәмлелек күсеп килде,-
Мәктәп алды, әйтерһең дә,
Сәскәле болон инде.
Беренселәр алға баҫҡан,
Иң кескәй дуҫтар улар:
Унынсылар сәскә һуҙа,
Теләп хәйерле юлдар.
Ал таҫмалы ҡыңғырауҙан,
Күңелде арбап, әйҙәп,
Моң таралды тирә яҡҡа:
- Һаумы, һөйөклө мәктәп!
Фото: userapi.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
