+21 °С
Облачно
Шиғырҙар
11 Сентября 2022, 06:00
Көҙ
Айһылыу Ғарифуллина
Ҡоңғорт һауа. Болот ауа –
Ямғыр яуа.
Сафлана ер. Дым һура ер –
Таҙа һауа.
Елләп тора. Япраҡ яуа –
Сыбар һауа.
Ҡорамалы түшәк булып
Ваҡыт ауа.
Асалы ҡыл күкте телер
Мөҙҙәт еткән.
Ҡараны аҡ итер сағы –
Ҡөҙрәт еткән.
Көҙ көҙ инде. Илап тора –
Көлөп тора.
Ҡояш ауы сыуаҡтарын
Һөҙөп тора.
Ошо мәлде күңелгенәм
Үҙ итәлер.
Япраҡ сәйләндәрен теҙеп
Һүҙ итәлер...
Фото: vk.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
