-18 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Шиғырҙар
29 Сентябрь , 12:45

Ирҙәр илағанда

Зөһрә ҠОТЛОГИЛДИНА

 

Күҙ йәшегеҙ тыймағыҙсы, ирҙәр,

Сабырһыҙлыҡ түгел был илау.

Донъя иңгә һалған яҙмыштарҙың

Сараһыҙлыҡтарын ул аңлау.

 

Өлөшөңә төшкән өмөтһөҙлөк

Йәнгә таштар булып өйөлә.

Былай ҙа бит ир-ат башҡаларға

Һиҙҙермәйсә яңғыҙ көйөнә.

 
Ирҙәр илағанда оялтмағыҙ,

Йыуатмағыҙ мәле етмәйсә.

Күктәр күкрәр, ерҙәр тетрәр хәсрәт,

Ауырлыҡтар үтеп китмәйсә.

 
Ирҙәр ҙә бит таштан яралмаған,

Улар ҙа бит әсә балаһы.

Уларға бит иңгә төшкән йөгөн

Ғүмер буйы һөйрәп бараһы.

 
Һаран күҙ йәштәрен һөрткән саҡта

Илаҡ тимәгеҙ һеҙ уларға.

Таштай ҡатмаҫ өсөн йөрәктәре

Ирҙәргә лә кәрәк иларға.

 
 Сығанаҡ һәм фото: vk.com

Автор:Зөһрә Хәкимова
Читайте нас в