-18 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Шиғырҙар
30 Сентябрь , 16:00

Ни булһа ла тормош дауам итә...

Гөлнара ХӘЛФЕТДИНОВА

 

Ни булһа ла тормош дауам итә,

Ҡыйралмаһын рәттән күңелдәр,

Күңел гөлөн шиңдермәйсә тотоу

Ҡай хәлдәрҙә еңел түгел дә…

 
Тик үҙеңде үҙең йүгәнләмәй

Зар-зар дауылына эйәрһәң,

Оҙон юлда тының етмәүе бар,

Ҡолауың бар алда эйәрҙән.

 
Ни булһа ла тормош дауам итә,

Донъя дауыл булһа – бул ҡая.

Ҡояш күпме ҡан ҡойошҡа шаһит,

Көс таба бит, йәнә йылмая.

 

Фото: vk.com

Автор:Зөһрә Хәкимова
Читайте нас в