+28 °С
Болотло
Шиғырҙар
29 Октябрь 2022, 11:45
Бер генә һүҙ
Бер генә һүҙ яҙып ебәргән бул.
Бер генә һүҙ
Бер генә һүҙ. Ҡыйын түгел бит.
Һағындым тигән бул, йә булмаһа
Ҡыҫҡа ғына бер һүҙ яҙ һуң: "Көт".
Иңдәремә ҡанат үҫеп китер,
Йырлай-йырлай табын йыйырмын,
Һин яратҡан ризыҡ түрҙә булыр -
Һинең өсөн генә ҡуйырмын.
Балҡып торор донъям, урамдан уҡ
Яҡты бөркөп торор тәҙрәләр,
Юлыңды ла киҫһә киҫер бары
Мөлдөрәмә тулы биҙрәләр.
Көн дә булмаһа ла, унда-бында
Яҙып ебәргән бул берәй һүҙ.
Күп кәрәкмәй миңә. Ҡалғандарын
Һин әйтерһең миңә күҙмә-күҙ...
Фирүзә АБДУЛЛИНА.
Фото: wp-s.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
