+28 °С
Болотло
Шиғырҙар
30 Октябрь 2022, 04:15
Табын ҡояшы
"Бисмилла"- тип уянабыҙ
Табын ҡояшы
Изге теләктәр юллап.
Икмәккә беҙ тотонабыҙ
"Бисмилла"- тип ҡуш ҡуллап.
"Бисмилла"- тип башлайбыҙ
Тәғәйенләп эшебеҙ.
Икмәк тоҙлап ҡаршылайбыҙ
Иң ҡәҙерле кешебеҙ.
Әсәй һүҙе иҫтә ҡалған
"Әрәм итмә валсығын.
Ергә күпме әфәт һалған
Иҫлә, зәһәр аслығын".
Хеҙмәт емеше ул: икмәк
Булһын ағы, ҡараһы.
Табын ҡояшы ла икмәк
Төшмәҫ һис тә баһаһы!
Римма БАЙМЫРҘИНА.
Фото: yandex.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
