+28 °С
Болотло
Шиғырҙар
2 Ноябрь 2022, 04:20
Йылмайыр бөтә донъя!
Көндө нисек башлаһағыҙ,
Ул шулай тамамланыр.
Башла көндө иман менән –
Күңелең тулыланыр.
Башла көндө изгелектән –
Изгелек сәсер кеше:
Был тойғо бит аҡтамырҙай –
Яҡшылыҡ булыр эше.
Башла көндө йылмайыуҙан –
Йылмайыр бөтә донъя!
Ул яуызлыҡты бөтөрә,
Барлыҡ гонаһты юя.
Башла көндө һөйөү менән –
Һөйөү алырһың үҙең.
Күңелдәрҙе шатландырыр
Татлынан-татлы һүҙең.
Башла көндө шатлыҡ сәсеп –
Булыр көнөң илһамлы.
Матурлыҡтан йөҙөң балҡып,
Булырһың һин иманлы.
Р. ҒӘББӘСОВА.
Фото: wallpapers
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
