+23 °С
Ясно
Шиғырҙар
9 Ноября 2022, 04:35
Ни көҙ түгел, ни ҡыш түгел...
Ҡарлы ямғыр, елле ямғыр…
Ни көҙ түгел, ни ҡыш түгел...
Ни көҙ түгел, ни ҡыш түгел.
Аңлап булмай күңелемде:
Ул ни тулы, ни буш түгел…
Көҙ менән ҡыш ҡушылған саҡ.
Ни үҙ түгел, ни ят түгел…
Күҙҙәремә йәштәр килә —
Ни өсөндөр оят түгел.
Туңмайым да, янмайым да…
Ни йылы, ни һалҡын түгел.
Ниҙер булды күңелемә:
Ул ни боҙ, ни ялҡын түгел…
Нишләргә белмәй тәбиғәт.
Был, әлбиттә, уйын түгел.
Тәбиғәт кеүек күңел дә:
Рәхәт түгел, ҡыйын түгел.
Көн ни яҡты, ни ҡараңғы…
Ни көн түгел, ни төн түгел.
Аңлай булмай халәтемде:
Ни төш түгел, ни өн түгел…
Роберт МИҢНУЛЛИН.
Фото: grad.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
