+28 °С
Болотло
Шиғырҙар
21 Ноябрь 2022, 10:20
Ҡарҙар яуа
– Күрәһеңме, нисек ҡарҙар яуа!
Ҡарҙар яуа
Күрәһеңме, ниндәй тамаша!
Тирә-яҡты серле шатлыҡ биләй,
Хозурлыҡтан күҙҙәр ҡамаша.
– Хозурлыҡтан? Һин һәр ваҡыт шулай
Юҡ-барҙан да шатлыҡ табаһың.
Ҡарҙар яуа, юлға көрттәр һала...
Ә таң менән – юлдар яраһы...
– Аңлайһыңмы, яңы яуған ҡарҙан
Яҡты хистәр тыуа күңелдә.
Йыһан үҙе ойоп бәүелгәндәй,
Моң ағыла кеүек күгемдән...
– Яҡты хистәр? Ниндәй моң ағылһын!
Бары ҡарҙар күктән ҡойола.
Төнөн йоҡламайса шиғыр яҙғас,
Һиңә генә шулай тойола.
– Тыңла әле, тыныс ҡына яуған
Ҡарҙарҙың да бар ул үҙ көйө...
...Ана шулай һәр бер күңелдең дә
Үҙ үлсәме бар шул, үҙ көйө.
Сәкинә ТОТМАНОВА.
Фото: vk.com
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
