-8 °С
Болотло
TelegramТестарVKOK
Бөтә яңылыҡтар
Шиғырҙар
23 Ноябрь 2022, 15:30

Рәхмәт төшкөрө, тип ҡалам

Зөһрә ҠОТЛОГИЛДИНА

 

«Һаумы, инәй!»

«Һаумы, балам!

Эй рәхмәттәр төшкөрө!»

Ошо һүҙ менән ул, гүйә,

Йәнебеҙҙе өшкөрҙө.
 

...Көтмәгәндә шатлыҡ килһә,

Иҫкә төшә шул инәй –

Уның рәхмәттәреме әллә

Тормош юлымды имләй?
 

Ауылға ҡайтһам, әле лә

Тап иткем килә уны,

Тик күптән инде өҙөлгән

Был ерҙә үткән юлы.
 

Үҙем хәҙер шул һүҙҙәрҙе

Әйтәмен бүтәндәргә.

Рәхмәт төшкөрө, тип ҡалам

Сәләмләп үткәндәргә.

 

Фото: vk.com

Автор:Зөһрә Хәкимова
Читайте нас в