-7 °С
Болотло
TelegramТестарVKOK
Бөтә яңылыҡтар
Шиғырҙар
1 Декабрь 2022, 16:55

Шундай миҙгел

Айһылыу ҒАРИФУЛЛИНА

 

Шундай миҙгел, шундай илаһи саҡ –

Тубыҡланып ҡына аҡ ҡарға,

Аҡ намаҙлыҡ кеүек кенә мәле –

Һөйөү доғаларын ятларға.

 
Күс айыра бөгөн ап-аҡ ҡарҙар –

Күк менән ер килеп тоташҡан.

Тырпайышып торған түңгәктәргә

Айырған күс килеп уҡмашҡан.

 

 
Күс айыра бөгөн ҡар солоғо –

Аҡ бөжәктәр мыжғый зыу килеп.

Аҡ бәрәкәт менән донъя тула –

Матур ғына булып йыл килһен!

 

 

Фото: vk.com

Шундай миҙгел
Шундай миҙгел
Шундай миҙгел
Автор:Зөһрә Хәкимова
Читайте нас в