+21 °С
Дождь
Шиғырҙар
10 Января 2023, 09:55
Фәрештә
Наилә Хәмбәлиева
Фәрештә
Һәр сабыйға үҙ әсәһе –
Фәрештә.
Сибәр, уңған, иң беренсе
Һәр эштә.
Йәннәт наҙы - әсәһенең
Ҡосағы.
Һәр бер мәле - әсәй нуры
Бар сағы.
Артығыраҡ үҫмерҙәргә
Әсәйҙәр...
Улар азат, иркен тормош
Көҫәйҙәр.
Иректәрен быуа Әсә
Ҡосағы.
Иң ҙур теләк – тиҙ(е)рәк сығып
Ҡасаһы.
Ҙур тормошта Әсәкәйҙәр
Ҡәҙерле.
“Әсәй, һаумы! Ашың,сәйең
Әҙерме?
Эй, һағындым, һинең йылы
Ҡосаҡты!
Йылыт әле... Өшөнөм бит
Шул саҡлы... "
Һәр кешегә үҙ әсәһе –
Фәрештә.
Күктә микән... Әле тере
Килеш тә.
...Ожмах ҡына булған икән
Ҡосағың...
Йөрәгемдә, Әсәй, һинең
Усағың...
Наилә ХӘМБӘЛИЕВА.
Фото: behance.net
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
