-8 °С
Болотло
TelegramТестарVKOK
Бөтә яңылыҡтар
Шиғырҙар
24 Ғинуар , 11:10

Башҡорт теле — рухым теле

Динара ҺАҘЫЕВА

Башҡорт теле — рухым теле
Башҡорт теле — рухым теле

Быуын-быуын йәшәү көсөн биреп

Ҡатар тора ата-бабалар. 

Уңдан — атай, һулда — әсәй нәҫеле 

Игелек теләп миңә бағалар.

Тамырҙарым ныҡлы шуғалыр ҙа,

Мин тоямын затым шаңдауын:

Туған телең, ғөрөф-ғәҙәттәрең

Тоҡомдарҙа алһын дауамын. 

Сикһеҙ минең был донъяға илткән 

Атай-әсәйемә рәхмәтем. 

Туған телдә уйлап яҙышыуым, 

Һөйләшеүем — улар хеҙмәте. 

Балаларым һөйләшерҙәр әле

Башҡорт теле — рухым телендә.

Халҡыбыҙҙың көсө, ғәйрәте

Күсә килер нәҫел ебендә.

Динара ҺАҘЫЕВА

Фото: shingak.ru

Автор:Юлиә Кирәева
Читайте нас в