Һеҙ ҡайтығыҙ илгә яҙҙар килгәс,
Ҡар иреүгә, зинһар, ҡайтығыҙ.
Еңеү менән - беҙгә ҡояш булып,
Ҡоштар менән бергә ҡайтығыҙ!
Окоптарҙа, блиндаждарҙа туңған
Йөрәктәрҙе йылытыр ҡуҙ булыр,
Бала ҡосаҡлауы, әсә ҡараштары,
Һөйгән йөрәктәргә моң тулыр.
Һеҙ ҡайтығыҙ, зинһар, тере килеш
Юғалтыуҙар беҙҙе аймаҫ.
Ҡурсалаһын һеҙҙе Аллам үҙе,
Доғалыны үлем ала алмаҫ.
Һеҙ ҡайтығыҙ илгә еңеү менән!
Зилә ҒӘЛЛӘМОВА.
Фото: kubnews.ru