Һеҙ үҙегеҙ - яҙ ҙа, наҙ ҙа, ҡуҙ ҙа,
Бишек бәүетеүсе тилбер ҡул да!
Ғүмер биргән, күпер үргән кеше,
Тоғро юлдаш тормош тигән юлда.
Ни мөғжизә икән был ҡатын-ҡыҙ!
Юҡтан бар яһаған илаһи зат!
Ожмах һеҙҙең аяҡ аҫтығыҙҙа,
Һеҙ бәхетле икән - донъя ла шат.
Ни мөғжизә икән был гүзәл зат!
Ҡарашығыҙ алып килә яҙҙар!
Һеҙҙең менән генә донъя күркәм,
Һеҙҙең менән бирелә Ергә наҙҙар.
Гөлназ ҠОТОЕВА.
Фото: bashinform.ru