Рәхмәтлемен һәр яңы көн өсөн
Тыныс ата алһыу таңдарым.
Хоҙай ҡушҡанына тоғро ҡалып
Уҙһын ине ғүмер йылдарым.
Имен йөрөһөндәр балаларым,
Туғандарым-кесе, ҙуры ла
Һаулыҡтарҙан бер ҙә айырмаһын
Ҡалдырмаһын кеше ҡулына...
Күңелемде биләй яҡты уйҙар
Бер кемгә лә теймәҫ яманлыҡ.
Ауыр һүҙҙәр -түбән күңелдәрҙә
Йөрәк итен өтөп алырлыҡ!
Шөкөр итәм Хоҙай биргәненә
Үҙ итмәйем байлыҡ, данын да.
Күңелемә моң-ауаздаш булған
Дуҫтар булһын ине янымда...
Минира БИКӘНӘСОВА.
Фото: www.b17.ru