+28 °С
Болотло
Шиғырҙар
30 Апрель 2023, 04:10
Күңелдәрҙә булһын гел изгелек!
Яңы көндө ҡаршылаған мәлдә,
Күңелдәрҙә булһын гел изгелек!
Яңы көндө ҡаршылаған мәлдә
Уйлаған уй булһын гел яҡты ,
Күңелдәрҙә булһын гел изгелек,
Шул сағында уҙыр көн яҡшы .
Көнләшеү һәм нәфрәт, уҫал уйҙар
Ҡараңғылай бары хистәрҙе .
Тыныс үтһә көндәр, үҙе рәхәт
Ҡаршылауы матур кистәрҙе.
Офоҡтарҙан ҡояш алһыуланып,
Күтәрелһен көн дә таңдарҙа ,
Алтын нурҙарының йылылығы ,
Яҡты хистәр керһен йәндәргә .
Һәр кем өсөн балҡый ҡояшыбыҙ ,
Өләшә ул нурлы наҙҙарын.
Аҡ бәхеттәр биҙәһендәр гел дә
Ғүмер сәскәһенең таждарын.
Гөлфиә ҒИЗЗӘТОВА.
Фото: mq2.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
