+9 °С
Болотло
TelegramVKOK
Бөтә яңылыҡтар
Шиғырҙар
4 Июнь 2023, 14:00

Йәй

Зөһрә ҠОТЛОГИЛДИНА

Йәй – ул рәссам.

Ер өҫтөнә

Мең биҙәктәр яһар саҡ.

Йәй – моңло йыр.

Ҡоштар ярһып,

Сәсәй-сәсәй һайрар саҡ.

 

Йәй – ул сәскә.

Ялан-ҡырҙың

Йәйғор төҫөн һайлар саҡ.

Сәскә һутынан йыйылған

Балы менән һыйлар саҡ.

 

Йәй – ул ҡояш.

Йылы нурға

Һәр ҡыяҡ үрелер саҡ.

Еләк-емештең, ҡыҙарып,

Бешер ҙә өҙөлөр саҡ.

 

Йәй – йылға-күлдәр ярында

Ҡырсынташтар ҡайнар саҡ.

Һыуҙа, сума-сума йөҙөп,

Балыҡ булып уйнар саҡ.

 

Сығанаҡ: “Бөрйәндәр” төркөмө.
Фото: Зиннур БОҪҠОНОВ.

Автор:Зөһрә Хәкимова
Читайте нас: