+18 °С
Болотло
TelegramVKOK
Бөтә яңылыҡтар
Шиғырҙар
7 Июнь 2023, 17:00

Сая себеш

Йоп-йомро йомортҡа...

Сая себеш
Сая себеш

Гөлфиә ЮНЫСОВА

 

САЯ СЕБЕШ

 

Йоп-йомро йомортҡа,

Ярылып китте сартлап.

Унан һап-һары себеш

Сыҡты ла китте атлап.

 

«Сип-сип» килеп сипелдәп,

Һөрән һала донъяға.

Әйләнеп тә ҡарамай

Ватылған йомортҡаға.

 

Баш етмәй: йомортҡаға

Нисек инеп ятҡан ул?

Ҡалай итеп аҙаҡтан

Аҡ ҡабыҡты ватҡан ул?

Торам һаман аптырап,

Сая себешкә ҡарап.

 

Фото: fotokto.ru

Автор:Гөлфирә Ҡарағужина
Читайте нас: