+24 °С
Ямғыр
Шиғырҙар
15 Август 2023, 13:00
Йәйге иртә
Күк сәскәләр күк төҫөндә.
Йәйге иртә
Күк сәскәләр күк төҫөндә.
Һары сәскә ҡояш кеүек.
Күл өҫтөндә тулҡынлана
Йәйғор төҫөн алған күбек.
Томбойоҡтар бәүеләләр
Хан ҡыҙылай сымылдыҡта.
Таңды уятырға ҡыймай
Тымып ҡалған бытбылдыҡ та.
Хәтфә балаҫ болондары,
Күлдәрендә – ҡамыш-ҡыҙҙар.
Балауыҙҙай буй-һындары,
Һыу сәсрәтеп ҡойоналар.
Эй, хозур мәл! Йәйге иртә,
Әйтерһең дә, ожмах инде.
Киреп асып ишектәрен,
Саҡырып тора түргә үҙе.
Рима Ибраһимова.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
