+9 °С
Болотло
TelegramVKOK
Бөтә яңылыҡтар
Шиғырҙар
4 Октябрь 2023, 16:20

Көҙгө йыр

Айһылыу ҒАРИФУЛЛИНА

Көҙгө йыр
Көҙгө йыр

Көҙҙөң киндер күлдәгенә

Һиҙәп-бәшмәктәр тирткән.

Дымһыу һауа. Серек япраҡ

Еҫен килтерә иртә.

 

Ҡарағайҙың шырт сәсенә

Ҡояш әле үрелә.

Үтатмаға ҡала урман –

Шыҡһыҙ ғына күренә.

 

Мүк түшәге сыбарланған –

Япраҡтары - ямауҙыр.

Тош-тош ерҙә осратырһың

Оҫта үргән аҡ ауҙы.

 

Көҙ үҙенсә матур инде

Күрә белгән күңелгә:

Хәреф-япраҡтар кәйелә,

Өтөр-сәнскәк ҡойола –

Был көҙ үҙе, был көҙ үҙе

Бер йыр булып тойола!

Көҙгө йыр
Көҙгө йыр
Автор:Зөһрә Хәкимова
Читайте нас: