Әсәйҙәргә ни кәрәк?

Алһыуланып атҡан яҡты таң,
Күңел тыныс, йөҙҙәр көләс була
Яҡшы хәбәр килһә балаңдан.

Әсәйҙәргә кәрәк рухлы улдар:
Үҫеп етеп һөнәр алһындар.
Парлы булып-аҡыл, иман менән
Тормош һуҡмағынан барһындар.

Әсәйҙәргә кәрәк тыйнаҡ ҡыҙҙар
Аҡыллы ла, уңған үҙҙәре,
(Ҡылыҡтары йөҙҙө ҡыҙартмаһын-
Заманалар хәҙер үҙгәрҙе!)

Әсәйҙәргә кәрәк йылы һүҙҙәр,
Хәл белешеп торһа балаһы,
Тыуған йортҡа ҡайтып килергә, тип
Мөмкин булһын ваҡыт табаһы...

Ейән-ейәнсәрҙәр бүләк итһә,
Матур итеп тормош көтһәләр,
Атай-әсәй ризалығын алып
Алыҫ сәфәрҙәргә китһәләр.

...Күп кәрәкмәй беҙгә-әсәйҙәргә
Имен генә булһын балабыҙ!
Хәйер-фатихала, доға ҡылып
Раббыбыҙҙан һорап ҡалабыҙ!
Бала, тиеп кенә янабыҙ...

Минира БИКӘНӘСОВА.

Һүрәттә: Абдрахмановтар ғаиләһе. Мәсетле районы, Дыуан-Мәсетле ауылы.

Фото: А. Абдрахманова.